عفوا حبيب قلبي

استعرض الموضوع السابق استعرض الموضوع التالي اذهب الى الأسفل

عفوا حبيب قلبي

مُساهمة  hudhud في الأحد مارس 07, 2010 11:44 pm

انا قلبى عشان ينساك دايرلو تانى زمن

عفوا حبيب قلبى ما انت لى وطن
***********
انا قلبى ذنبه شنو عودته انت عليك

علمته يبكى ينوح يوم ما يشوف عينيك

وكتين ملكته خلاص فريتها لجنحيك

خاطبته باستبداد قلت ليه اختار ليك
**********

هو الصبار المسكين راجى اليالى تروق

لا كل لا مل لا عاتب المعشوق

كل القدر قاله ياناس كتلنى الشوق

والضقته فى دنياى ما ضاقه قط مخلوق
********
انا يا خلائق اه ضقت العذاب اصناف

شلت الليالى سقد تشهد تبارك وقاف

جربت صبر ايوب كانت نهايته جفاف

والصابنى يالمريود بالعين محال ينشاف
*************
لو دار تعرف البى ارجوك مرة تعال

اقعد وعاين بس ما تسال اى سؤال

انا يا حليلى انا اصبح يمنى شمال

جوايا عشرة اشياء خلت حياتى محال

حظى التعيس الشوم الغيرة والعزال

ليل الضياع والخوف والحيرة والاهمال

انك تملى معاى و بيناتنا كم اميال

احساسى انى بسيط واحلامى واقفه جبال

صبر اً صبرتو عليك ذكرنى سيدنا بلال

حتى ان سكت انا تتكلم الاطلال

وآخر المطاف بالليل سافرت باستعجال

لا طلت بلح الشام ولا ضقت راحة البال

*******
برضك تقول لى اصبر اتحمل المكتوب

واتعوض الله خلاص انسانى يالمحبوب

خلتنى ذى عصفور هبت عليه هبوب

فنتله عشه شمال شالت صغاره جنوب
avatar
hudhud
Admin

عدد المساهمات : 42
تاريخ التسجيل : 27/02/2008
العمر : 32

http://marui.mam9.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى