الطنبور صديق الكل

استعرض الموضوع السابق استعرض الموضوع التالي اذهب الى الأسفل

الطنبور صديق الكل

مُساهمة  hudhud في الأحد مارس 07, 2010 11:45 pm

الطمبور صديقنا و عزنا و ملجانا

وكتين السنين تفتح بوابة أحزانة

مما قمنا نسمع فيهو لا ملينا لا ملانة

زي إبل الرحيل شايلي السٌقا و عطشانة

أوتارو الحنيني تملِّي عايشي معانا

في الريف و الحضر و محل ما تمشي خطانا

الله لو بشيشي تداعبو إيد فنانة

تتراقص جميع الدنيا بي أركانة

لو قلبك حجر و غنانا شايفو رطانة

أول ما يرن تلقاك طربتا معانا

إحساسك يذوب قامتك تميل طربانة

زي مرّ النسيم وكتين يداعب البانة

الطمبور سماحتو القمرة مالي سمانا

الليل و السكون و الرملة كالمرجانة

نتلملم نكون في شلة زاهية الوانا

نضحك ننبسط لما الصباح يلقانا

وفي رواية اخرا معروف من قديم

انو الجمال نسبي وللموجب دوام لابد من سبي

لاكن نتفق رسمي وكمان شعبي الطمبور علاج ليكل مرض عصبي
avatar
hudhud
Admin

عدد المساهمات : 42
تاريخ التسجيل : 27/02/2008
العمر : 32

http://marui.mam9.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى