البساط أحمدي

البساط أحمدي

بساط رقم 1 :

التعامل مع الإنترنت وخصوصا المنتديات مسأله ما ساهلة . وبتحتاج من الواحد إنو يكون

معاهو زول يوريهو ويهون عليهو الصعاب . ومافي زول بعرف براهو .

أنحنا في منتدى قمرنا همنا الأول والأخير نسهل علي الناس - ونوصل ليهم المعلومة

بأبسط صورة عشان من هنا الناس بتمرق علي عالم الإنترنت وهم مسلحين بالمعرفة

والتمرس والخبرة الإكتسبوها من خلال التعامل مع المنتدى دا كنموذج . يعني بي بساطه

المنتدى ترينق أو بالعربي دورة تدريبيه مفتوحة .

عشان كده لو عندك أي شي ما فاهمو - أو غلبك تتعامل معاهو في المنتدى مهما كان

صغير أو ما مهم تعال قولوا لينا هنا ومع بعض بنشرحوا وبنوقعوا ليك . لأنو ما حنقبل

منك غير أداء بنسبة 100% .

بساط رقم 2 :

عندك أي إقتراح أو نقد داير توجهوا أو فكرة مجنونة نطت ليك في راسك هنا كل الناس

بتسمعك وتتقبل رايك .

بساط رقم 3 :

عندك ملاحظه علي عضو ونفسك توجهوا وتنصحوا - تعال قوله وأكيد هو حا يسمعك .


هنا مساحة للجميع - والناس واحد والإحترام بالكوم والردوم .


إتفقنا ؟

بس عندنا 3 شروط .

الخجل ممنوع - الزعل ممنوع - والغلط وتجريح الناس ممنوع .

ختينا ديل عوجة تب ماف .


وذي ما قلنا البساط شنو ؟

أبقى داخل