كريمة - الشاعر محمد العبيد سيداحمد

كريمة
الشاعر/ محمد العبيد سيداحمد

كريمة سلام يانضاره
يااغلى تراث ياحضاره
ناس طيبين ناس بصاره
ناس فى بيوتن ستاره
ورضا الله عليهم ستاره
ناس تكدح طول نهاره
وتأنس الليل باذكاره
ناس تأكيد الجداره
تبين فى غناها واشعاره
وفى الطنبور والنقاره
ومديح الماحى والطاره
وحتى بناتنا فى الداره
يعومن عوم بى جداره
ناس فى كفاحه واصراره
تأسس فوق ساس كباره
يشنوا على الجهل غاره
ويمدوا كوابل الاناره
ناس رويانه افكاره
ولابتلقاهن حيارى
يدوروا زراعة البداره
البتجنى الاجيال ثماره
ياربى تقيفلها جباره
كريمة تكون فى الصداره
تشوف الفن فى معماره
العماره تناطح العماره